SICHTWEISEN

Dahoam

Dahoam
Wo bin I dahoam?
In Wean bin I iatz dahoam
Dahoam g'wesn bin I in Waoldzell
Da hab I mei Kindheit verbraocht
Meini Eltern san nimma mehr
Jeatz kummi nu seltena aufi ins Innviertl
Am Kobernaußerwald wo I aufg'waochsn bin
Mei Herz ziagts no imma dorthin
No lebt mei Bruada, da Franz im Haus unsra Muata
Und Verwandte hab I g'nuag.
Dahoam verändert si von oan auf's andre moi de Landschaft
Denoch Dahoam is Dahoam
Wie da Franz Stelzhammer scho g'schrieb'n hat
Und waonnst net fuart muast, so bleib
Gern kummi hoam immer wieda
Oft a im Dram.
Inviertlerisch - I hab's net verlernt.
Es liegt ma im Bluat
Meine Wurzln ling dort.
Dort wo des Bachal in Bach eini fliast
Wo da Waold nahe is
Die Reh auf'd Nacht ausa kumman
zuwa zum Haus
Da Schnee im Winta verzaubert
Zuadeckt die Wiesn.
Dahoam is dahom.
Dort wo mei Herz schlagt
Dort wo's mi hinziagt, da bin I dahoam

Zäzilia Mayr